کوئٹہ: پاک فوج کے بہادر افسر اور بلوچستان کے سپوت میجر انور کاکڑ شہید کی پہلی برسی آج عقیدت و احترام کے ساتھ منائی جا رہی ہے۔ اس موقع پر پوری قوم نے وطن کے دفاع کے لیے دی گئی ان کی عظیم قربانی کو سلام پیش کیا۔
میجر انور کاکڑ نے اپنے فوجی کیریئر کے دوران متعدد اہم ذمہ داریاں انجام دیں۔ سال 2019 میں گوادر کے پی سی ہوٹل پر ہونے والے دہشت گرد حملے کے بعد کلیئرنس آپریشن میں انہوں نے غیر معمولی جرات اور پیشہ ورانہ مہارت کا مظاہرہ کرتے ہوئے دہشت گردوں کے عزائم ناکام بنانے میں اہم کردار ادا کیا۔
بعد ازاں 19 جولائی 2025ء کو کوئٹہ کے علاقے جبلِ نور کے قریب ایک آئی ای ڈی دھماکے میں وہ دورانِ ڈیوٹی شہید ہو گئے۔ ان کی شہادت کو ملک و قوم کے لیے ایک عظیم قربانی قرار دیا جاتا ہے۔
شہادت کی پہلی برسی پر مختلف حلقوں نے میجر انور کاکڑ کی خدمات، بہادری اور وطن سے وفاداری کو خراجِ تحسین پیش کرتے ہوئے ان کے درجات کی بلندی اور اہلِ خانہ کے لیے صبرِ جمیل کی دعا کی۔ قوم اس عزم کا بھی اعادہ کرتی ہے کہ شہداء کی قربانیوں کو ہمیشہ یاد رکھا جائے گا۔
.jfif)
